Kad san stuf vec sega i nis mi ne gre
ja stavin va radio neki stari cd
pa mi se vrnu sliki od poznateh liki
palili su, zarili, a po ten se ugasili
Brzo sve se menja i vreme brzo hludi
na moment se domislin teh veseleh judi
kad smo deca bili i na tanci hodili
na njihe kanconi mi smo tancali i pili

Z njihovun muzikun mi smo odrasli
a danas ih se retko ki jos spameti
te kazeti i ploci imela j' kuca svaka
jos va kamare na zide mi pise ''Battifiaca''
Lepo j' bilo dok je duralo
ne otejen pomislet daj' se to pasalo
ona crna on beli, ona mica on veli
na njihi skerci si smo se smeli
Za ca su se raspali, va cen je kvaka
neki govore da je zbog braka
ozenila se j' Vesna i decu j' dobila
i zaradte intrigi je kanat zapustila
Za Battifiacu vise ni bilo nade
pa je Mario pocel kantat balade
to j' istinita prica, ni ovo sala
pogledal san na uru, a ona je zakantala
Komac da je polne, (tebe je to komac)
a da si jako lacan i brundas ti
ma kad cu te navadit
da sinjora vavek do dva lezi
Komac da je polne, (tebe je to komac)
ca tako rano si me ti zbudil
ca se ne spamecujes
da si nekada tu dobu pil
Odlucil san nekako do njih ja prit
da ih cujen malo i nec ih zamolit
ako bi skupa nakon cuda let
va nasoj pjesme zakantali duet
Prvi san mariotov broj obrnul
ki zna kade je, vec ga dosta nisan cul
prvo j' bil nedostupan, opet san proval
sejno niman sreci, mobitel je distakal
Zoven ga ja va firmu, a tamo lih zvoni
potiho mi se javi, potle me zovi
kasneje mi je rekal, va guzve san bil
i co, skuzaj ca se nisan prej javil
Necu ti puno vremena zet
da te pitan zajno bis kantal duet
covek moj dragi, na ovisten svete
ja jedino z vesnun kantat va duete
Legenda si Mario, na to mu ja recen
i zamen mobitel da Vesnu nazoven
zoven ja Vesnu na onaj broj stari
par puti zazvoni i mica mi se javi (halo)
Rozica povedej je ti doma mat
si kuha al' pospravja, cu je potla zvat
ne rabi evo me, cujes oprosti
ovde mi je kazin, nikad se ne zeni
Na to san se nasmel i daje povedal
proval san njoj spjegat zaca san ju zval
ona na to govori, ne zameri mi ti, al'
pocela san delat, a i muz me ne pusti
Ma ni to delo, to ti j' vise hobi
ti mesto na fitness pridi na dve probi
kad buden kod nono vnukon povedal
da san jedanput z battifiacun pjesmu kantal
Ca jos da ti poveden na samemu kraju
to mi je ko da mi porina daju
neka ti bude, ona je pristala
zajno mi je s srca vela gruda pala
Ma bit ce to super, nis ne bacilaj
samo jos jedanput z guston zakantaj
i ni nan druge leh na nogi skocit
as sada te opicit njihov stari hit
Tancamo, a ti mi nogi mastis
kad tancat si otela
sejno zac ne pazis
Tancamo, a ja bin malo sela
e sad necemo fermat
kad tancat san otela
necemo fermat kad tancat si otela
Na kraje san ih jedva bil nagovoril
i nisan bil ni svjestan ca san to storil
as ovo je istina, neka saki znan
na nasen albume battifiaca kanta